НАТО не планира да испрати борбени трупи во Украина, изјави првиот човек на Алијансата, Јенс Столтенберг.
Практично, тоа значи дека Западот ја спушти топката во конфликтот со Русија, исто како што направи официјална Москва неколку часа претходно.
Столтенберг призна дека во Алијансата има несогласувања за прашањето како да ѝ се помогне на Украина, која вознемири половина свет поради акумулацијата на руски војници на нејзината граница.
„Не знаеме точно какви се намерите на Русија кон Украина за да донесе избрзани одлуки за такво прашање“, рече Столтенберг, додавајќи дека секој следен потег и одлука на НАТО ќе зависи од развојот на настаните.
„Нема гаранции за намерите на Русија и можеби не донеле конечна одлука. Значи, од перспектива на НАТО, ние сме подготвени да се вклучиме во дипломатски напори, но исто така сме подготвени да ѝ одговориме на Русија доколку има војска конфронтација во Украина, ние сме за двете опции“, рече Столтенберг.
Тој исто така изјави дека Русија распоредува илјадници војници во состојба на борбена готовност, како и авиони и системи S-400 во Белорусија, пренесе Reuters. Столтенберг преку интернет ѝ се обрати на јавноста од Брисел на состанок на аналитички центар од Вашингтон.
Тој, исто така, рече дека НАТО никогаш нема јавно да објави што би било поттик за активирање на Силите за брза реакција на Алијансата.