Шахпаска: Пензиите ќе се исплаќаат редовно, во јануари ќе бидат зголемени

Пензиите ќе се исплаќаат редовно, а во јануари пензионерите ќе го добијат и законското усогласување, односно минималната пензија ќе биде зголемена за 13 денари, а просечната за 185 денари, најави вечерва министерката за труд и социјална политика Јагода Шахпаска.

На гостувањето во емисијата „24 Анализа“ на телевизија 24, Шахпаска рече дека и понатаму ќе се исплаќаат пензиите при крајот на месецот со цел да се заштитат пензионерите поради пандемијата.

– Со пензијата за јануари, која ќе биде исплатена на крајот на јануари, ќе го добијат усогласувањето по закон и тоа ќе значи зголемување на минималната пензија за 134 денари месечно и зголемување на просечната пензија за 185 денари месечно, појасни Шахпаска.

Рече дека не се планира пензиите да се зголемуваат линеарно како што тоа беше пракса за време на претходната власт.

Во однос на законското решение за недела да биде неработен ден, рече дека не се откажуваат од оваа идеја, но оти имплементацијата нема да започне додека трае пандемијата. Новата драфт верзија на законот предвидува овој ден да биде неработен со исклучок на одредени дејности кои поради типот на работата не можат да го прекинат работниот процес. Овие дејности ќе бидат таксативно наброени во законот.

– Во услови на пандемија во ниту еден момент не сакаме да почне имплементацијата на ова решение. И првичната драфт веризија на законот е дека неговата примена ќе биде по завршување на пандемијата, рече Шахпаска.

За законското решение за пензионирање со 64 години старост и 15 години стаж кое е заглавено во Собранието, министерката Шахпаска рече дека владејачкото мнозинство прави напори да се одблокира работата.

– Имам сознанија дека колегите од владејачкото мнозинство правале напори да се одблокира ова законско решение, меѓутоа претседателот на комисијата е од опозицијата така што динамиката на одржување на седниците и ставањето на точките на дневен ред е во рацете на опозицијата, истакна Шахпаска.

За законот за откуп на стаж, министерката рече дека тој е дел од владината програма, но оти нема рок кога ќе биде донесен.

– Законот за откуп на стаж е дел од владината програма, но во неа не е ставен рок кога треба да биде донесено тоа законско решение. Во моментот во Министерството се работи на два системски закони и тоа Законот за работни односи и Законот за заштита при работа, рече Шахпаска, која очекува овие два закона да бидат донесени годинава.

Од Сојузот на синдикати на Македонија апелираа до партиите да не ги кочат законите кои се важни за работниците и побараа да присуствуваат на собраниските комисии на кои се расправа за овие закони. Забелешки имаат и за начинот на кој се креираат законските решенија.

-Иако беше јасно и јавно кажано дека најголем дел од предлозите на ССМ се прифатени, ситуацијата не е таква. Ние доставивме предлози за старосна пензија по работен стаж. Тука го опфативме сегментот на враќање на старото законско решение одење во пензија со 64 години. Но, нашиот предлог за овозможување на докуп на стажот, иако беше прифатен од Владата, сега слушаме дека ќе се одолговлечи, истакна Слободан Трендафилов од ССМ во онлајн вклучувањето во емисијата.

Ставот на ССМ е веднаш да биде донесена одлуката за недела да биде неработен ден, а на оние што ќе работат, да им бидат платени најмалку дополнителни 50 проценти за работа во недела. 

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Македонија

В недела посебен сообраќаен режим во Скопје поради атлетска трка

Read more

Донесено упатство за радиодифузерите за претседателските и парламентарните избори

Read more

Три лица искасани од кучиња скитници во Скопје

Read more

Петровска: Судот донесе одлука дека Ковачки неправедно ме клеветел

Read more
 

Вести

В недела посебен сообраќаен режим во Скопје поради атлетска трка

Читај повеќе

Инспектори затекнале диви менувачници на Бит-пазар, но наместо да ги запечатат, им дозволиле да работат

Читај повеќе

Fox News открива: САД потрошиле најмалку 113 милијарди долари за војната во Украина

Читај повеќе

Во Таџикистан уапсени 9 лица поврзани со масакрот во Москва

Читај повеќе

Донесено упатство за радиодифузерите за претседателските и парламентарните избори

Читај повеќе

Три лица искасани од кучиња скитници во Скопје

Читај повеќе

Петровска: Судот донесе одлука дека Ковачки неправедно ме клеветел

Читај повеќе

Тешка сообраќајна несреќа во Кичево: 3 млади лица го загубија животот, има и тешко повредени

Читај повеќе

Денеска се отвора Џевахир Мол Скопје во Аеродром

Читај повеќе