Поп ѕвездата Шакира синоќа објави нова песна наречена „Acróstico“, а во спотот се појавуваат нејзините синови Милан и Саша.
Ги изненади своите обожаватели најпрво со емотивната песна, но и со одлуката во песната и спотот да учествуваат и нејзините деца, со што покажа дека нејзините синови ја споделуваат љубовта кон музиката.
Песната е посветена токму ним со серија клипови кои вклучуваат стари фотографии од нивното детство, а момците одлучиле да свират и да пеат заедно со нивната мајка. На видеото се гледаат и неотворени кутии кои го симболизираат нејзиниот нов почеток и преселбата во Мајами.
„Милан оваа година напиша песни кои ме расплакаа од радост, а Саша посвети часови на пијаното, откривајќи го својот глас. И двајцата беа со мене во студиото и откако ја слушнаа оваа песна посветена на нив, побараа да бидат дел од неа“, објасни Шакира.
Потсетуваме, Шакира неодамна се пресели во Мајами заедно со синовите Милан (10) и Саша (8), откако таа и нејзиниот поранешен партнер Жерард Пике раскинаа.
