Шакира во последно време е сѐ поискрена кога станува збор за нејзиниот љубовен живот.
Иако веќе десет години е во врска со фудбалерот Џерард Пике, колумбиската пејачка нема намера да се омажи, а сега откри и зошто.
Шакира во искрено интервју за списанието Holla кажа дека бракот ја плаши.
„Не сакам да се омажам. Искрено, бракот ме плаши. Не сакам да ме гледа како негова жена, туку како негова девојка, љубовница. Тоа е како забрането овошје, повеќе би сакала да го држам во неизвесност и да мисли дека сѐ е можно во зависност од неговото однесување“, изјави убавата Колумбијка.
Шакира (42) и Џерард (32) се запознаа кога таа го снимаше спотот за нејзината песна „Waka Wakа". Таа признава дека не можела, а да не забележи колку е убав младиот фудбалер.
„Не сум некој фудбалски обожавател и не знаев кој е тој. Но, кога го видов, ми беше многу симпатичен. Потоа и се запознавме официјално“, раскажува таа.
Во текот на нивната десетгодишна врска ги добија синовите Милан (6) и Саша (4).
„Никогаш не сме биле традиционална двојка. Немаме договор кој што ќе објави или соопшти, дали ги делиме задачите и слично. Меѓутоа, двајцата сме подеднакво вклучени во родителството и сите проблеми што излегуваат се трудиме да ги решиме на најдобар начин. Се поддржуваме еден со друг, но исто така имаме голема помош од нашите семејства“, рече Шакира.