Шакира улови фан како ја снима под фустанот

На социјалните мрежи се појави видео од ноќен клуб во Мајами каде Шакира доживеала непријатна ситуација.

Имено, пејачката била во клуб каде во еден момент го пуштиле нејзиниот нов сингл „Soltera“. Кога песната почнала, Шакира се качила на сцената и танцувала во краток фустан.

Присутните во клубот веднаш почнале да го снимаат настапот на пејачката, а таа играла и пеела, а во еден момент сфатила дека некој ја снима под фустанот.

Пејачката најпрво се обидела да ја одврати личноста со тоа што ѝ дала до знаење дека видела што прави. Меѓутоа, откако личноста не застанала, пејачката се симнала од сцената.

Корисниците на социјалните мрежи ја критикуваа личноста која ја снимила пејачката под нејзиниот фустан.

„Шакира е апсолутно во право што си замина, никој не треба да се справува со вакво непочитување“, „Луѓето се одвратни“, „Шакира не може ни да ужива да танцува на нејзината песна“, „Кој ја снимал вака нека биде уапсен“ , „Ова е над одвратно“, се дел од коментарите.