Граѓанската иницијатива Шанса за Центар преку своите советници се обидува да го реши статусот на лицата задолжени за чистотата во Општина Центар кои работат само за месечен надомест.
„Советничката група на Граѓанската иницијатива Шанса за Центар и нејзините претставници во одборите на ЈП ПОЦ минатата недела доставија предлог до Општина Центар во буџетот за 2025 година конечно да се одвојат пари за вработување на лицата кои ни ја чистат општината, а кои со години работат само за месечен надомест.
Досегашната пракса од повеќе од една деценија е тие да работат без придонеси за пензиско и здравствено осигурување што ги крши основните работнички права на овие луѓе и е состојба која не смее повеќе да се толерира“, велат од Шанса за Центар, граѓанска иницијатива која има тројца советници во Советот на Општина Центар.
