Објавен е првиот трејлер за „The School for Good and Evil“, новиот филм на Netflix.
Филмот е снимен според истоимените бестселери на Соман Чаинани и дејството го следи животот на најдобрите пријателки Софи и Агата кои ќе се најдат на спротивни страни по завршување на училиштето каде учениците се обучуваат да ја одржат рамнотежата меѓу доброто и злото.
Кога ќе пристигнат, Софија ќе биде одведена во училиштето за зло. Агата заминува во училиштето за добро. Агата се обидува да ја предупреди својата пријателка на потенцијалните опасности, а Софија инсистира дека ѝ се допаѓа новата верзија од неа.
„Ако Софи стане зла, никој од нас нема да преживее“, ја предупредуваат Агата.
Трејлерот е преполн со акција. Актерката Кејт Бланшет е наратор, додека Шарлиз Терон се најде во улога на декан и е одговорна за обука на злобници. Кери Вашингтон е во улога на тутор на хероите. Во останатите улоги се Лоренс Фишбурн, Бен Кингсли, Рејчел Блум и други.
Актерката Шарлиз Терон изгледа непрепознатливо во новиот филм, особено внимание привлече нејзиниот изглед со црвена виткана коса, но и црните нокти.
Премиерата на Netflix е закажана за 19 октомври.
Истоимената книга е објавена во 2013 година и е прва во серијата од 6 книги. Досега е преведена на 30 јазици и продадени се над 2.5 милиони примероци од книгата.
