Американската продуцентка Пати Џенкинс имала намера по 14 години да ја собере екипата со која работеше на крими-драмата „Monster“, но откако Шарлиз Терон ја одбила понудата за улогата на главната хероина во „Wonder Woman“, на нејзино место дошла Израелката Гал Гадот.
Терон призна дека ја одбила улогата поради други обврски.
„Јас и Пати сме пријателки и се почитуваме. Ми понуди да бидам во ‘Wonder Woman’, но во тој период јас работев на нешто друго. Има причина зошто ја одбив улогата“, рече Терон.
Таа се прослави со улогата на убиец во филмот „Monster“ од 2003 година, а потоа следеа низа успешни улоги во филмовите „The Italian job“, „Hancock“, „A Million Ways to Die in the West“, „Mad Max“ и „The Fate of the Furious“.
Со оглед на тоа дека холивудската убавица има огромен потенцијал да ја игра амазонската хероина, веќе почнаа шпекулации дека би можело да се појави во продолжението на „Wonder Woman“ што би требало да биде готов до 2020 година.