Објавен е нов трејлер за филмот „Bombshell“, инспириран од вистинит настан, со Шарлиз Терон, Никол Кидман и Марго Роби во главните улоги. Славните актерки ќе ги видиме во улога на новинарки во Fox News, оживувајќи ја приказната за сексуално вознемирување од страна на нивниот шеф, Роџер Ејлс.
Тој поднесе оставка од управата на Fox News во јули, 2016 година поради повторени обвинувања за сексуално вознемирување. Ејлс ја водеше Fox News од нејзиниот почеток во 1966 година, претворајќи ја во телевизија со висока гледаност и со големо влијание на американската политичка сцена. Во минатото му бил советник на поранешниот американски претседател Ричард Никосон, а подоцна го советувал и Донал Трамп во текот на неговата изборна кампања.
Во филмот, Шарлиз Терон се појавува во улогата на Меган Кели, Никол Кидман како Гречен Карлсон, двете жени кои му се спротивставија на Ејлс, (Џон Лајтгоу) и го обвинија за сексуално вознемирување. Марго Роби има улога на фиктивен продуцент, лик инспириран од повеќе жени жртви на Ејлс. Режисер на филмот е Џеј Роач.
Премиерата е закажана за 20 декември.
