Со вкупно 10 номинации, од кои освои 6, „Mad Max: Fury Road“ е еден од најдобрите филмови, но и причина за раздор меѓу филмските ѕвезди. Ваквите детали до денес се интересни за јавноста.
Во книгата „Blood, Sweat & Chrome: The Wild And True Story Of Mad Max: Fury Road“, напишана од новинарот Кајл Букенен, детално е опишана караницата меѓу главните ѕвезди на филмот, Шарлиз Терон и Том Харди.
Односот меѓу актерите уште од почеток не бил добар, не се сложувале, а подоцна и отворено почнале да се караат и викаат еден на друг. Во еден таков момент Терон му кажала на Харди дека е агресивен.
„Тој ден, договорот за снимање беше во 8 часот наутро. Шарлиз стигна точно на време, се подготви за улогата и седна да чека знаејќи дека Харди нема да се појави на време, иако беше така замолен“, истакна снимателот Марк Голнихт и додаде дека Том бил познат по доцнење наутро.
Истиот ден Харди пристигнал три часа подоцна.
„Таа седеше нашминкана и во костим цели три часа, а Том се појави лежено одејќи низ пустината, по што таа збесна“, стои во книгата.
Том во тој момент го изгубил трпението и наводно почнал агресивно да се однесува кон актерката, по што таа побарала заштита на сетот.
„Беше прилично агресивен. Шарлиз се чувствуваше загрозено и тоа беше пресврт“, вели снимателот.
Подоцна, актерката вели изјави дека и било жал поради ваквиот однос со колегата, додавајќи дека немала премногу разбирање за Харди на кој сигурно не му било лесно да го замени Мел Гибсон.
„Поради личните стравови подигнав ѕидови за да се заштитам, наместо да си пријдеме еден на друг и да си изразиме почит“, вели Шарлиз.
Слично изјави и Том.
„Веројатно премногу се соживеав со филмот, а притисокот понекогаш беше преголем за двајцата. На неа тогаш и требаше некој со многу повеќе искуство“, заклучи Харди.
Сепак, на крајот, Терон и Харди остана партнери до крајот на снимањето на „Mad Max: Fury Road“ кој заработи 374 милиони долари.