Управата на Парис Сен Жермен, само ден после елиминацијата на Реал Мадрид во осминафиналето од Лигата на шампионите, одлучија на крајот од сезоната да го заменат Унај Емери.
Како што пренесуваат француските медиуми, на негово место тие ќе се обидат да го доведат Антонио Конте од Челзи.
Контактот меѓу двете страни веќе бил воспоставен и тоа преку братот на Конте, Џанлука, додека Антонио изразил подготвеност да влезе во преговори.
Сепак, ПСЖ може да му понуди многу подобри финансиски услови од Челзи и на тој начин да го доведат човекот за кој во Париз сметаат дека може да им го донесе толку посакуваниот трофеј од Лигата на шампионите, но и да создаде вистинска хемија во тимот, поради својот изразен темперамент и високо ниво на дисциплина.
Агентот на Конте Федерико Пасторело, веќе неколку дена престојува во француската престолнина и би можел веќе сега да постигне начелен договор со клубот од Париз.