Шекеринска: Време е да ги почнеме преговорите со ЕУ зашто заслуживме

Скопје, 13 јуни 2019 (МИА) – Време е Европскиот совет да ја следи јасната препорака на Европската Комисија и да одреди датум за почеток на преговорите за членство на Северна Македонија во Унијата, порача министерката за одбрана, Радмила Шекеринска од Конференцијата за европска безбедност во Гармиш-Партенкирхен.

Работевме, посочи таа, напорно да создадеме аргументи за почеток на преговорите. – Го решивме прашањето со Грција, потпишавме договор со Бугарија и со тоа Северна Македонија е единствената балканска држава која нема отворено прашање со која било од соседите, рече министерката на Конференцијата организирана од угледниот Европски центар за безбедносни студии „Џорџ Маршал“.

Мојата земја, потенцираше, е брилијантен пример за помирување и добрососедство и ми претставува исклучително задоволство што Северна Македонија е на чекор до полноправно членство во Алијансата, со потпишан пристапен протокол и ратификации на овој протокол од повеќе од половина НАТО – земји.

Шекеринска истакна дека земјата е посветена и на домашните реформи – за само 24 месеци, со промената на претходната Влада, демократијата се консолидираше, зацврстено беше владеењето на правото и се навлезе кон решителни процеси на трансформација во сите области – политиките, јавната администрација и општеството.

Во реформските чекори, не беше испуштена ниту одбраната каде беа направени суштински чекори – донесување на клучни, стратегиски документи, грижа за секој припадник на Армијата, развој на интероперабилноста, информираше министерката.

Од аспект на односите и влијанијата во Југоисточна Европа, како тема на Конференцијата, министерката посочи дека постоеле обиди за дезинформации поврзани со процесот на полноправно членство на Северна Македонија во НАТО, особено пред референдумското изјаснување на граѓаните за договорот со Грција. Единствениот одговор на овие дезинформации, рече Шекеринска, е земјата да е цврста и сигурна на својот зацртан пат и да има силно лидерство.

„Северна Македонија знае каде оди и има храбри и силни лидери“, заклучи министерката.

На маргините на конференцијата, како што соопшти Министерството за одбрана, Шекеринска се сретна со заменик – директорот на Европскиот центар за безбедносни студии, бригаден генерал Јохан Бергер, кому му се заблагодари за можностите за едукација и образование на персонал од Министерството и Армијата во „Џорџ Маршал“ центарот. Од 1998 година досега, над 400 лица завршиле курсеви реализирани од овој Центар, додека над 700 учествувале на разни активности организирани од „Џорџ Маршал“.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Македонија

В недела посебен сообраќаен режим во Скопје поради атлетска трка

Read more

Донесено упатство за радиодифузерите за претседателските и парламентарните избори

Read more

Три лица искасани од кучиња скитници во Скопје

Read more

Петровска: Судот донесе одлука дека Ковачки неправедно ме клеветел

Read more
 

Вести

В недела посебен сообраќаен режим во Скопје поради атлетска трка

Читај повеќе

Инспектори затекнале диви менувачници на Бит-пазар, но наместо да ги запечатат, им дозволиле да работат

Читај повеќе

Fox News открива: САД потрошиле најмалку 113 милијарди долари за војната во Украина

Читај повеќе

Во Таџикистан уапсени 9 лица поврзани со масакрот во Москва

Читај повеќе

Донесено упатство за радиодифузерите за претседателските и парламентарните избори

Читај повеќе

Три лица искасани од кучиња скитници во Скопје

Читај повеќе

Петровска: Судот донесе одлука дека Ковачки неправедно ме клеветел

Читај повеќе

Тешка сообраќајна несреќа во Кичево: 3 млади лица го загубија животот, има и тешко повредени

Читај повеќе

Денеска се отвора Џевахир Мол Скопје во Аеродром

Читај повеќе