Легендарниот НБА кошаркар Шекил О'Нил ги шокираше фановите со најновата објава на социјалните мрежи, бидејќи откри мускули кои никогаш ги немал во текот на кариерата.
Иако веќе подолго време е во пензија, легендарниот Шек, кој сега има 50 години, не се откажува од спортувањето. Познатиот кошаркар напорно тренира и одвојува време за спорт, а резултатите од неговата работа се евидентни.
Синоќа објави видео од теретана каде ја соблече маицата и покажа импресивни мускули кои ги немаше ниту кога ги „уништуваше“ ривалите во НБА.
Во описот на видеото напиша: „Кога си стар, ама личи млад“.
Шек отсекогаш бил со прекумерна тежина, но тоа не го спречуваше да доминира во НБА. Иако има многу деловни обврски бидејќи реши во пензија да не биде пасивен потрошувач на богатството што го заработи под кошевите, славниот кошаркар тренира речиси секој ден.
Позитивно ги изненади своите фанови со својата најнова објава, што може да се види и во коментарите на видеото. Некои дури отидоа дотаму што го повикаа да се врати во Лос Анџелес Лејкерс. Несомнено е дека и денес би можел да понуди нешто добро во играта во која се прослави.