Легендарниот НБА кошаркар Шекил О'Нил откри кој му бил најлошиот соиграч во кариерата.
Најдобриот период на О'Нил беше времето кога играше за Лејкерс, но неговите „несогласувања“ со Коби Брајант беа јавно познати. Заедно три пати ја освоија НБА лигата, а потоа Шек замина во Мајами и во друштвото на Двејн Вејд ја освои четвртата титула.
Сега, кошаркарот откри кој му бил најлошиот соиграч во кариерата.
„Тоа е Денис Родман. Беше одличен играч, но ги отежнуваше работите. Се обидувате да ги држите момците на куп, но луѓето над вас му дозволуваат на еден играч да прави што сака. Моравме да бидеме во сала еден час пред натпреварот, а тој доаѓаше 15 минути пред почетокот јадејќи пилешко и ориз. Додека тренерите зборуваа тој одеше под туш, студен туш. Потоа ќе направеше 15 или 20 скокови“, раскажува О'Нил.
Родман во Лејкерс дојде откако со Чикаго Булс освои три шампионски титули во НБА лигата.