Актерката Мира Фурлан почина завчера на 66-годишна возраст, а социјалните мрежи денес се полни со емотивни збогувања од неа.
Веста за смртта на актерката го погоди и Раде Шербеџија, кој знаел дека е болна, но верувал дека ќе ја надмине болеста.
„Често бев во контакт со Мира, поретко откако се вратив од Америка, но во Лос Анџелес честопати се гледавме и се дружевме. Одамна ја немав видено... Долго време боледуваше, неизлечиво и тешко, па така прекина секаков можен контакт со неа. Ама на сите ни остана во срцата. Бидејќи, убеден сум, Мира Фурлан беше една од најубавите актерки во поранешна Југославија“, рече Шербеџија во утринската програма на РТС.
„Беше вистинољубива. Неправедно доживеа многу удари од вообразените националисти во земјата во која живееше, но го преживеа сето тоа. За да се врати во Хрватска во 2002 година, ја играше Медеја и речиси немаше негативни критики или напади врз неа, сите беа одушевени“, рече Шербеџија, додавајќи дека тоа зборува и за нашиот менталитет.
Тој додаде дека Мира била голема и праведна жена и брилијантна личност и актерка која ја сакале и публиката, и камерата. Тој истакна дека таа успеа да изгради успешна кариера во САД во страшна конкуренција дури и по бегството од војната, со помош на нејзиниот сопруг Горан Гајиќ, за кого Шербеџија исто така имаше само пофални зборови.