Легендарната актерка Шерон Стоун објави разголена фотографија на која ги покажа своите „несовршености“ на 64-годишна возраст.
Таа позираше облечена во долен дел од бикини и се покри со голема крпа. За разлика од многу ѕвезди кои редовно користат фотошоп, Стоун се одлучи за целосно природно издание.
„Благодарна што сум несовршена на совршен ден“, напиша таа.
Со овој потег Стоун уште еднаш докажа дека годините се само бројка.
Неодамна таа ги сними серијата „The Flight Attendant“ во продукција на Sky Atlantic и филмот „Beauty“ на Netflix. Најавено е дека ќе се појави и во филмот „What About Love“. Датумот на објавување сè уште не е познат.
Минатиот месец таа откри дека доживеала девет спонтани абортуси.
„Ние жените немаме простор да зборуваме за оваа болна загуба. Тоа не е мала работа. Сепак, принудени сме да мислиме дека тоа е нешто со кое треба сами да се справиме и дека тоа е некаков неуспех“, рече Стоун, која има посвоено три сина: Квин Кели, Лерд Вон и Роан Џозеф.
