Актерката Шерон Стоун ги одушеви обожавателите на Instagram со фотографија на којашто позира во жолто бикини.

„Среќно лето“, им порача таа на обожавателите и доби безброј комплименти за изгледот.
Неодамна, Шерон во интервју за Vogue откри која е тајната за нејзиниот добар изглед во 64-тата година од животот.
„Луѓето мислат дека мора постојано да одат во теретана и да креваат тегови, но не е така. Мора да го движите телото и да додадете малку отпор. Јас многу вежбам со нозете, правам склекови и слично.
Таа додаде дека често става тегови со кои ги извршува секојдневните домашни обврски по домот или додека седи на компјутер.
„Не може да верувате колкава промена прават само неколку килограми на вашите раце“, вели таа.
Покрај тоа, од исхраната ги исфрлила алкохолот и глутенот, наместо кафе пие чаеви.
„Избегнувам преработена храна, но не можам да престанам да јадам чипс“, откри таа.
Што се однесува до стареењето, тоа за неа е неизбежен дел од животот.
„Не сакам да бидам безвремена убавица. Сакам да бидам најдобра што можам во моите години“, вели таа.