Шерон Стоун на 43. доделување на наградите Muse во Њујорк откри неколку нови детали за филмот „Basic Instinct“ кој ја прослави во 1992 година.
„Заработив само 500.000 долари. Мајкл Даглас доби 14 милиони долари. Тогаш бев нова во глумата, а тој беше голема ѕвезда“, рече таа.
Чувствува дека не била доволно почитувана бидејќи продуцентот по грешка ја нарекувал Карен за време на целото снимање.
„Дури и на Гувернерскиот бал, кој се одржа по Оскарите, ме викаше Карен. Навистина се чувствував понижено, иако моето име го немаше на плакатот“, раскажа таа.
„Basic Instinct“ беше прикажан во многу земји во цензурирана верзија без сцените со секс и убиства. И покрај тоа, тој постигна голем успех.
Во првиот викенд од прикажувањето заработи над 15 милиони долари, а вкупната заработка изнесуваше повеќе од 350 милиони долари. Продолжението на филмот беше објавено во 2006 година, но не успеа да стане популарно.
