Живееме со забрзано темпо, па лесно е да го занемарите сопственото здравје. Стресот, лошите навики и седентарен начин на живот можат да придонесат за висок крвен притисок, но добрата вест е дека малите промени во вашата рутина можат да направат голема разлика.
Експертите препорачуваат едноставни, но ефективни чекори кои можат да го подобрат вашето здравје и да го намалат крвниот притисок.
Еве шест клучни навики што можете да ги усвоите денес:
Повеќе движење
Не мора да поминувате часови во теретана – а малите зголемувања на физичката активност носат значителни придобивки. Експертите од Johns Hopkins Medicine препорачуваат најмалку 30 минути аеробна активност во повеќето денови во неделата. Брзото одење, пливањето или возењето велосипед се одличен избор, а дури и пократките прошетки можат да имаат позитивен ефект.
Релаксација
Секојдневниот стрес може негативно да влијае на крвниот притисок, но едноставните техники на дишење можат да помогнат. Експертите препорачуваат да дишете длабоко низ носот четири секунди, а потоа да издишете шест секунди. Оваа техника промовира релаксација и го намалува нивото на кортизол, хормонот на стресот. Истражувањата покажаа дека редовното ангажирање во хоби помага да се релаксираат умот и телото, што позитивно влијае на здравјето на срцето.
Ограничување на времето поминато на мобилен телефон
Прекумерното користење на екранот е поврзано со покачен крвен притисок и зголемен стрес. Обидете се да одвоите малку време без екран, особено пред спиење или за време на оброците. Ограничувањето на телефонските разговори може да го намали и ризикот од висок крвен притисок, пишува Best Life.
Квалитетен сон
Недостатокот на сон е една од водечките причини за висок крвен притисок. Експертите од клиниката Мајо предупредуваат дека спиењето помалку од седум часа навечер може да го зголеми ризикот од хипертензија. Обидете се да воспоставите конзистентен распоред за спиење и избегнувајте екрани пред спиење.
Умерено консумирање алкохол
Прекумерното консумирање алкохол може негативно да влијае на крвниот притисок. Според упатствата на CDC, жените не треба да консумираат повеќе од еден пијалок дневно, а мажите не повеќе од два пијалоци дневно.
Намалете го внесот на сол
Диетата богата со сол може да го зголеми крвниот притисок, па затоа е важно да ги прилагодите вашите навики во исхраната. Експертите препорачуваат диета која вклучува повеќе овошје, зеленчук, цели зрна и помалку преработена храна богата со сол.
