Миленичињата, како и децата, бараат внимание. Вниманието е исклучително важно за нивното физичко и ментално здравје, но сопствениците често прават грешки што можат да доведат до голем број проблеми во нивното однесување.
Ви препорачуваме да ги избегнете следниве постапки доколку сакате да имате среќно милениче:
Домашното милениче може да ве направи многу среќни, но со текот на времето може да стане и голема обврска кога исчезнува почетната еуфорија. Ако не знаете како да се справите со таквата одговорност, бидете сигурни дека вашето животно ќе го почувствува тоа. Затоа, добро размислете пред да вдомите милениче.
Заборавете на ударите, дури и кога ќе го фатите вашето домашно милениче на дело како прави некоја беља. Овој вид на казна нема смисла бидејќи викањето „не“ или „лошо момче/девојка“ ќе го има истиот ефект. Важно е да користите еден ист извик за вашето домашно милениче да може да го запамти и потоа лесно да поврзува што тоа значи. Така ќе му го пренесете вашето незадоволство.
Мора да постојат правила на однесување. Замислете, на пример, каде вашиот партнер дозволува домашното милениче да дојде во вашиот кревет и вие го оттурнувате од него. Како резултат на тоа, вашето домашно милениче ќе биде многу збунето и нема да знае како да се однесува. Седнете со партнерот, или целото семејство, и заедно разговарајте за правилата.
Недостатокот на движење може да има негативни последици за вашето домашно милениче и може да го направи немирно, деструктивно, хиперактивно и непријателски расположено кон вас. Ако имате куче, треба да знаете дека му се потребни најмалку две прошетки од по 30 минути дневно. Ако станува збор за мачка, задолжително одвојте 10 до 20 минути дневно за да си играте со неа.
Користењето храна како награда е важен дел од обуката. Но, претерувањето со наградите потпаѓа под лошо однесување. наградите треба да го поттикнат вашето домашно милениче да учи побрзо и подобро. Премногу награди може да предизвикаат губење на вредноста кај вашето куче. Користете ги само кога сакате да наградите навистина добро однесување.
Секој сопственик има свои одговорности и нормално е да ги оставите миленичињата сами, но тоа не треба да биде подолго од неколку часа. Целодневното отсуство може да предизвика вознемиреност и деструктивно однесување. Имајте го тоа на ум.