Иако нема да ви признаат, мажите ги сакаат комплиментите исто колку и жените. Веројатно сте забележале дека по секој комплимент од ваша страна во нивните очи се појавува искра и се обидуваат да прикријат насмевка.
Еве што најмногу сакаат да чујат од вас.
„Никој не може да ме насмее како тебе“
На мажите им е важно да знаат дали ви се допаѓа нивната смисла за хумор и дали уживате во нивно друштво.
„Ова беше најдобриот секс што сум го имала“
Некои жени непотребно се срамат да му дадат сексуален комплимент на својот партнер. Мажите се посамоуверени, повеќе експериментираат и уживаат кога знаат дека нивната партнерка е задоволна. Вашиот партнер ќе направи сè за да биде најдобриот од сите со кои некогаш сте биле интимни. Не заборавајте да му го кажете тоа и уживајте.
„Ти ми ги даваш најдобрите совети“
Мажите не само што сакаат да им се обратите за помош кога имате некој проблем туку и сакаат да го почитувате нивното мислење и советите што ви ги даваат.
„Многу си секси“
Ова посебно им годи на егото и се чувствуваат самоуверено. Па, не бидете „штедливи“ кога станува збор за комплименти упатени кон него.
„Со тебе се чувствувам сигурна“
Без оглед на тоа колку сте независна и самостојна, вашиот партнер сака да знае дека со него се чувствувате безбедно. Кажете му на вашиот партнер дека во неговата прегратка се чувствувате безбедно и дека доволно е неговото присуство за да се чувствувате убаво.
„Имаш прекрасно семејство/друштво“
За мажите е многу важно да го почитувате нивното друштво, а особено нивното семејството, и исто толку е важно да им го кажете тоа. Обидете се да дознаете што му се допаѓа кај секој негов пријател или член од семејството и оформете комплимент. Со тоа ќе му докажете дека разбирате зошто тие се важни за него.
