Од првите жители на новоотвореното прифатилиште „Лајка“ шест се веќе подготвени за вдомување и чекаат на заинтересираните граѓани.
„Овие шест миленици се меѓу првите бездомни кучиња кои по пријава на граѓани беа заловени и го поминаа хуманиот третман во прифатилиштето нa ЈП „Лајка Скопје“. Во моментов активно се работи на нивна социјализација и се бара нивен дом“, велат од Град Скопје.
Секој што е заинтересиран за вдомување на некое од овие кучиња може да оствари контакт на телефонскиот број 02 256 58 59 или пак преку и-меил на vdomi@lajka.com.mk.
Доколку, пак, сакате да пријавите бездомно куче на кое му е потребна помош, тоа можете да ги напрвите на телефонските броеви 02 256 58 59 и 02 257 57 65, или пак на и-мејловите info@lajka.com.mk и sos@lajka.com.mk.