Според експертите, ова е списокот на клучните области на кои луѓето забораваат кога ја чистат кујната.
Иронично, сунѓерите би требало да ги направат работите почисти, но тие се едно од најлошите места каде бактериите можат да се сокријат.
За да ги дезинфицирате, прво измијте ги со детергент и топла вода, а потоа натопете ги во средство за дезинфекција. Исцедете колку што е можно повеќе течност и оставете ги сунѓерите добро да се исушат. Доколку немате при рака течност за стерилизирање, брзо решение е потопување во свежо зовриена вода.
Крпите и сунѓерите треба редовно да се мијат и можете да ги ставите во машина за садови, но мора да се мијат на многу топол циклус.
Многу луѓе забораваат да го исчистат резервоарот за вода во машината за кафе.
Повеќето од нас само додаваат вода без да размислуваат за длабинско чистење на садот, а во него можеше да се најде мувла и разни бактерии.
Истурете алкохолен оцет во садот и оставете го некое време за да се отстрани бигорот. Потоа исплакнете го во топла вода и исушете го.
Вашиот мијалник е живеалиште за многу бактерии. Можете темелно да го исчистите со стара четка за заби и средство за дезинфекција или белило, а посебно внимание треба да се посвети на отворот на сифонот кој треба добро да се исчисти и дезинфицира.
Многумина од нас ги занемаруваат рачките и бројчаниците кои всушност често ги допираме.
Идеално е редовно да ги чистите овие површини со топла вода и детергент или да користите антибактериски спреј.
Начинот на кој ќе ја чистите работната плоча ќе зависи од материјалот од кој е направена.
Вечерта откако ќе завршите со готвењето за тој ден, добра практика е да ја испрскате работната плоча со антибактериски спреј и да ги избришете сите кујнски пултови со чиста крпа за да ги отстраните бактериите. И не заборавајте редовно да чистите под и зад апаратите како котлиња и тостери.
Честопати на површините на дрвените даски за сечење, и покрај миењето и бришењето, се задржуваат бактерии.
Исчистете ја даската со топла вода со сапуница, па прелијте ја со свежо зовриена вода за да се стерилизира даската. Антибактерискиот спреј ќе помогне да останете без бактерии, но не е замена за темелното миење.
