Шест полицајци повредени и тројца уапсени во денешната акција во северно Косово

Приштина, 13 октомври 2021 (МИА) – Шест полицајци се повредени, а тројца се уапсени на крајот од денешната акција на косовската полиција против шверц во северно Косово, соопшти полицијата.

Косовскиот премиер Албин Курти нагласи дека денешната акција на косовската полиција била насочена против шверц во Приштина, Пеќ и северните и јужните делови на Косовска Митровица.

Курти, изјави дека на денешната акција на косовската полиција и претходела интензивна истрага и дека е спроведена по наредба и во координација со надлежното обвинителство и суд.  Курти објави дека „се запленети стоки и докази, што претставуваат материјални докази“.

„Криминалот и криминалните групи нема да бидат толерирани и ќе бидат потиснати. Ќе се бориме против шверцот и ќе го спречиме тоа”, напиша Курти.

Шефот на европската дипломатија Жозеп Борел денеска повика на итен прекин на насилствата и на едностраните потези на северот од Косово. Реакцијата на Борел доаѓа по денешните акции на косовската специјална полиција на повеќе локации на северот од Косово, при кои дојде до судири со српското население.

„Сите отворени прашања мора да се решат преку дијалог со посредство на ЕУ“, наведе Борел, нагласувајќи дека Брисел е во контакт со Белград и Приштина.

Српската премиерка Ана Брнабиќ повика на ангажман на НАТО, КФОР и меѓународната заедница.

Таа посочи дека ситуацијата е повеќе од драматична и дека „ова е последниот момент во кој е неопходна јасна реакција за да се запре налудничавата политика што ја води Приштина“.

„Ваквото однесување ја надмина секоја мерка и не носи на работ на хаос“, предупреди Брнабиќ.

Српскиот претседател се упати кон Рашка, во јужна Србија, каде што попладнево ќе се сретне со српските претставници од северно Косово.

Директорот на српската Канцеларија за Косово и Метохија, Петар Петковиќ и ги повика КФОР и меѓународната заедница итно да ги заштитат косовските Срби.

– Ова е вистински момент да го слушнеме одговорот од меѓународната заедница, која е должна да го одбрани српскиот народ, рече Петковиќ.

– Меѓу десетината повредени, беше застрелан и тешко повреден Среќко Софронијевиќ (36), за кого се борат за живот во болницата во Косовска Митровица, додаде тој.

Движењето „Доста беше“ (ДЈБ) ги повика претседателот на Српската напредна партија (СНС), Александар Вучиќ и претседателот на Социјалистичката партија на Србија (СПС), Ивица Дачиќ, да закажат состанок меѓу владата и опозицијата, со цел да се одреди унифицирана стратегија на Србија за Косово.

Движењето „1 од 5 милиони“ го осуди „упадот на специјалната единица РОСУ и употребата на сила против српското население во северно Косово и побараа меѓународната заедница итно да реагира и да спречи ескалација на насилство. Тие исто така, „бараат од претставниците на властите во Србија да престанат да даваат воинствени изјави од Белград“.

реклама

Најдобри во зодијакот - и астролозите бираат да им се родат децата во овој знак

Read more

Дали треба да ја пиете водата што отстоила преку ноќ во чаша?

Read more

Како изгледаат снимки на белите дробови од вакциниран и невакциниран ковид пациент?

Read more

Јавноста незадоволна од статуата на покојниот пејач: Ако ова е Тоше...

Read more

Регион

Атина со мерката пар-непар против сообраќајниот метеж во центарот на градот

Read more

Србија воведува ковид-пропусници, но само за по 22 часот

Read more

Словенечката опозиција бара оставка од Владата по смртта на вакцинирана девојка

Read more

Евростат: Романците и Бугарите најсиромашни во ЕУ

Read more
 

Вести

Ердоган се откажа од протерување на 10 западни амбасадори

Читај повеќе

Moderna тврди дека нејзината вакцина е ефикасна и безбедна за деца

Читај повеќе

Кина почнува со вакцинирање на деца од три години против COVID-19

Читај повеќе

Влада: Вклучен и вториот блок на РЕК Битола, граѓаните нема потреба да стравуваат

Читај повеќе

135 нови случаи на COVID-19 од 1.514 тестирања

Читај повеќе

Facebook се распаѓа одвнатре: Дали ќе ја научи лекцијата, ќе пропадне или ќе продолжи како да не било ништо?

Читај повеќе

Рокот за поднесување ДДВ-4 продолжен до 27 октомври

Читај повеќе

Медиумите не го прекршиле Изборниот законик при известувањето во првиот изборен круг

Читај повеќе

Меркел ја призна нејзината најголема корона-грешка

Читај повеќе