Вежбањето може да му помогне на вашето физичко, ментално и емоционално здравје, да ви даде повеќе енергија, па дури да го поттикне и вашиот социјален и сексуален живот.
Експерти од „WebMDa“ ви препорачуваат да вежбате 30 минути дневно, пет дена во неделата.
Меѓутоа, внимавајте да не влезете во замки кои можат да ви нанесат повеќе штета од корист, односно работи кои ќе ви го саботираат вежбањето.
Прескокнување на вежби
Прескокнувањето на вежби кога сте на некоја програма за вежбање може да ви нанесе само штета. На тој начин, не само што ќе ви биде потешко да ги остварите дадените цели, туку можете да го загубите и напредокот кој сте го постигнале.
Јадете пред вежбање
Ако јадете оброк два часа пред тренинг, организмот ќе ја свари таа храна, а крвта нема добро да тече низ вашите мускули. Тоа може да доведе до грчеви и чувство на мачнина по завршување со тренингот. Наместо тоа, пред вежбање подгответе си некој полесен оброк, како банана, јогурт или овесни снегулки.
Не се загревате
Ако почнете да вежбате без да се загреете тоа може да ви заштеди неколку минути, но тоа не е добра идеја. На вашето тело му е потребно загревање за да можете повеќе и полесно да се движите. Можете да се загреете со побавно одење, трчање или возење на велосипед, од 5 до 10 минути.
Неправилно дишете
При вежбање едноставно морате правилно да дишете. Задржувањето на здивот ја ограничува количината на кислород која влегува во вашето тело. Затоа кога кревате тешки тегови длабоко вдишете пред да почнете со серија, а потоа издишете.
Ги правите само оние вежби кои ви се допаѓаат
Ако ги правите само оние вежби во кои сте најдобри, тогаш бидете сигурни дека грешите. Морате да ги тренирате сите групи на мускули.
Не пиете доволно вода
Консумацијата на вода е многу важна за ладење на телото и одржување на крвотокот. Вода треба да пиете и пред тренинг, а потоа и на секои 15 минути за време на тренингот. Откако ќе завршите со вежбање, повторно треба да се напиете вода.