Исхраната влијае на работата на бубрезите, а прекумерното користење на некои намирници им пречи на нивното правилно функционирање.
Храна која пречи на работата на бубрезите доколку претерате:
Авокадо
Oваа намирница се препорачува да се јаде поради многубројните хранливи материи коишто ги има, но прекумерниот внес ја отежнува работата на бубрезите, особено доколку имате и други здравствени проблеми.
Месо
Прекумерниот внес на месо и месни производи влијаат лошо на бубрезите. Разложувањето на протеинот од животинско потекло понекогаш се процесира потешко, па затоа бубрезите не можат во потполност да ги исфрлат штетните материи од телото.
Сол
Здравата исхрана подразбира внес на 2,3 гр. сол дневно, а со секое претерување ги спречувате бубрезите да го исфрлат вишокот на натриум од телото.
Банани
Бананата содржи висок процент на калиум. Доколку имате проблеми со бубрезите, не се препорачува да внесувате храна која е богата со овој минерал.
Млечни производи
Богати се со витамини и минерали, но прекумерниот внес на млеко, јогурт и сирење има поголема штета отколку корист. Овие намирници содржат поголема количина на фосфор кој исто така има лошо влијание на бубрезите. Затоа – внимателно со млечните производи.
Портокал
Портокалот е богат во витамин Ц, но и голем процент на калиум. Исто како со бананите – доколку имате проблеми со бубрезите треба да внимавате.
