Четириесет и двегодишна жена е пронајдена мртва во стан на улицата „11 Октомври“ во центарот на Скопје, а безживотното тело го забележал нејзиниот шестгодишен син, кој се обидувал да ја разбуди.
Според полицијата вчера околу 09.00 часот, во Скопје, на ул. „11 Октомври“, во станот на И.М. (42) влегла Ќ.Ш. (56) од Скопје, која работела како хигиеничарка во домот на И.М. и го затекнала нејзиниот шестгодишен син. Кога го прашала каде е мајка му, тој одговорил дека е во дневната соба и не може да ја разбуди. Ќ.Ш. влегла во собата и ја затекнала И.М. на седечката гарнитура без знаци на живот.
Смртта е констатирана од страна на лекар од Итна медицинска помош. Увид на местото на настанот извршила увидна екипа од СВР Скопје.
По наредба на јавен обвинител, телото на починатата е предадено на обдукција.