Поранешниот фудбалер Ален Ширер зборуваше за играчите на Арсенал по најновиот пораз што го доживеаја во Премиер лигата.
„Топџиите“ доживеаја петти пораз во седум натпревари вчера на пладне, откако изгубија од Вест Бромвич со 3:1.
Ширер, во изјава за „Match of the Day“ рече дека играчите на тимот од северен Лондон биле „малтретирани“ од играчите на Тони Пјулис.
Најновиот пораз само го зголемува притисокот врз менаџерот на Арсенал, Арсен Венгер, кој има сѐ повеќе противници кои сакаат да си замине од позицијата, а некои фанови дури и ангажираа авион со банер „Венгер оди си“ да прелета над Хоторнс.
Ширер смета дека, со оглед на последните резултати, според кои Арсенал заостанува со пет поени зад четвртопласираниот Ливерпул, играчите на Венгер веќе не му даваат целосна поддршка на својот менаџер.
„Има многу муабети за иднината на Арсен Венгер“, вели Ширер.
„Играчите не зборуваат многу. Но нивната игра зборуваше за нив денес. Судејќи по таа игра, и неодамнешните резултати, не го сакаат веќе на таа позиција.“
„Арсен Венгер требаше да си ги погледне играчите и да побара реакција. Играа без срце, без борба, без насока. Сите играчи, со исклучок на Санчез, беа за срамота.“