Репрезентативниот дефанзивец конечно направи чекор напред, ја напушта македонската лига за да продолжи во унгарскиот Фехервар каде што ќе му биде соиграч на Бобан Николов.
Тетовска Шкендија официјално потврди дека останува без столбот на одбраната. Стандардниот македонски репрезентативец Висар Муслиу деновиве ќе стави потпис на договорот со унгарскиот вице-шампион, а двата клуба веќе ги договориле условите за преселбата. На својата официјална веб-страница, тетовчани потврдија дека сите детали се договорени, а недостига единствено потписот на играчот. Сумата која црвено-црните ќе ја добијат како обештетување засега не е позната.
Во Фехервар ќе го пречека соиграчот од репрезентацијата Бобан Николов кој веќе година и пол го носи дресот на клубот кој претходно беше познат како Видеотон.
Муслиу ја засили Шкендија во февруари 2018 и тоа од лутиот ривал Вардар. Освои две шампионски титули во домашната лига и еднаш го крена перхарот во Купот на Македонија и тоа откако самиот му даде два гола на Пелистер во финалето. Во дресот со националниот грб е стандарден играч кај селекторот Игор Ангеловски, а до сега забележа 15 настапи и еден гол.
Од Шкендија се прости неславно, заработи двен картон на последниот натпревар на гости кај Дуделанж на кој тетовчани доживеаја срамна елиминација од Лига Европа.
„Сите во Шкендија му се заблагодаруваме на Висар Муслиу за неговиот допринос во црвеноцрниот дрес и му посакуваме сè најдобро и успех во иднина.“
