Се одиграа натпреварите од 13. коло во најсилната македонска фудбалска лига кои не донесоа промена во годниот дел од табелата.
Шкендија не успеа да победи во Струга, напротив, се спасуваше од пораз и со тоа не успеа да се одлепи на врвот.
Македонија ЃП и Шкупи одиграа без голови, двата тима пропуштајќи прилика ремито на Шкендија да го искористат за да избијат на челната позиција.
Беласица ја продолжи серијата без пораз која сега трае 4 натпревари откако одигра 2:2 против Работнички.
Единствениот тим кој денеска се радуваше на гостинска победа е Силекс кој триумфално се враќа од Битола каде со 2:1 го победи Пелистер.
А, пак, победа на домашен терен оствари Ренова и тоа со гол во последните моменти против Борец. Победата е уште поголема ако се земе фактот дека Ренова играше со десетмина.
Стадион „Градска плажа“ во Струга
Струга - Шкендија 1:1 (1:0)
Стрелци: 12' Александар Ристевски - 82' Бесарт Ибраими
Судија: Игор Стојчевски (Скопје)
Стадион „Градски“ во Тетово
Ренова - Борец 1:0 (0:0)
Стрелци: 90' Ремзифаик Селмани
Црвен картон: 67' Филип Стојчевски (Р)
Судија: Александар Ставрев (Скопје)
Стадион „Под Тумбе Кафе“ во Витола
Пелистер - Силекс 1:2 (0:2)
Стрелци: 53' Христијан Драгарски - 2' Бурхан Мустафов, 34' Денис Ристов
Судија: Марјан Гоцевски (Струмица)
Стадион „Благој Истатов“ во Струмица
Беласица - Работнички 2:2 (1:2)
Стрелци: 18' Дарко Размоски, 58' (п) Антонио Каланоски - 26' (п) Фахрудин Ѓурѓевиќ, 36' Николче Шаркоски
Судија: Јосип Бартон (Скопје)
Стадион „Ѓорче Петров“ во Скопје
Македонија ЃП - Шкупи 0:0
Судија: Марјан Маркоски (Охрид)
Вчера Вардар ја совлада Академија Пандев со 2:0.
Табела:
- Шкендија 27
- Македонија ЃП 26
- Шкупи 25
- Струга 20
- Борец 19
- Вардар 19
- Силекс 17
- Работнички 14
- Пелистер 12
- Ренова 11
- Академија Пандев 10
- Беласица 9