1.МФЛ 2021/22

Шкендија убедлива, Пелистер повторно разочара

Пет од шесте прволигашки натпревари од 9. коло во најдобрата македонска фудбалска лига се одиграа попладнево. Барем до утре лидер ќе биде Ренова.

Славје на штипските „Сини“: Фото: ФК Брегалница Штип

Шампионот Шкендија полека се враќа во ритам. Денеска немаше никакви проблеми дома против Борец каде уште по првите 45 минути со три гола во мрежата на гостите од Велес ја најави победата.

Академија Пандев направи нов кикс откако не успеа да реализира ниту една од неколкуте шанси на гостувањето во населбата Автокоманда против Скопје, чии фудбалерите се изборија за реми без голови.

Македонија ЃП ја продолжи серијата без победа, но барем се спаси од нов пораз. Ренова имаше водство во Ѓорче Петров, но „Лавовите“ дојдоа до бод благодарение на удар од белата точка на три минути пред крајот.

Штипска Брегалница оствари важна победа во дуелот со Струга, а јунак на домашните беше Алтипармаковски чиј гол постигнат уште во 5-тата минута ги донесе трите доба.

Пелистер приреди ново разочарување пред своите навивачи откако не успеа да постигне гол за победа над кавадаречки Тиквеш и со тоа останува закован на дното на табелата.

Стадион „Градски“ во Штип
Брегалница - Струга 1:0 (1:0)
Стрелци: 5' Марјан Алтипармаковски
Судија: Стојчевски Игор (Скопје)

Стадион „Ѓорче Петров“ во Скопје
Македонија ЃП - Ренова 1:1 (0:0)
Стрелци: 87' (п) Ермедин Адем - 56' Виктор Серафимовски
Судија: Ѓоргиев Крумислав (Штип)

Стадион „Под Тумбе Кафе“ во Битола
Пелистер - Тиквеш 0:0
Судија: Тефику Ндерим (Куманово)

Стадион „Железарница“ во Скопје
Скопје - Академија Пандев 0:0
Судија: Трпчевски Стојанче (Кавадарци)

Стадион „Градски“ во Тетово
Шкендија - Борец 3:0 (3:0)
Стрелци: 5' Љупчо Дориев, 12' (п), 39' Синдрит Гури
Судија: Ралевски Благојче (Битола)

Утре од 15 часот се игра последниот натпревар од ова коло бидејќи во Чаир се среќаваат локалните ривали Шкупи и Работнички. Потоа следува репрезентативна пауза, а прволигашкиот фудбал се враќа викендот на 16 и 17 октомври.

Стадион „Чаир“ во Скопје
Шкупи - Работнички
Судија: Јован Качевски (Струга)

Моментална табела: