Чешкиот произведувач стигна до уште еден значаен јубилеј во својата историја подолга од еден век.
Јубилејното 20 милионско возило кое го произведе оваа компанија е примерокот на SUV Karoq, најновиот модел на „Шкода“.
Иако изработуваат автомобили уште од 1905, чешкиот произведувач доживеа неверојатна експанзија дури од 1991 година, кога стана дел од групата на Volkswagen.
Имено, од 20 милиони произведени автомобили, „Шкода“ дури 15 милиони од нив направи во последните 25 години.
Една од најстарите компании за автомобили на светот, започна да изработува автомобили уште кон почетокот на 20 век.
Во периодот кога во 1905 година започна со производство, веќе беше евидентно дека овие автомобили полека го преземаат приматот над останатите индивидуални превозни средства.
Денес, кога автомобилската индустрија е повторно пред радикални промени, чешката компанија полека се ориентира кон возилата на електричен погон.
