Шкотланѓанец го постигна голот на сезоната во Италија

Во италијанската Серија А синоќа беше постигнат најубавиот гол сезонава, а тоа беше дело на Шкотланѓанецот Че Адамс кој му донесе победа на својот Торино на гостувањето кај Емполи.

Че Адамс беше стрелец на единствениот гол на натпреварот и му донесе тесна победа на Торино од 1:0, а моментот на магија се случи во 70. минута.

Адамс доби додавање од Хрватот Никола Влашиќ во центарот на теренот и веднаш, без премногу размислување шутираше кон голот, а топката заврши во мрежата!

Адамс очигледно виде дека голманот на Емполи беше излезен од голот и беше невнимателен, па го искористи тоа максимално и се прослави.

Со новите 3 бода Торино се израмни со Емполи на 10. место на табелата, а двата тима сега имаат по 19 бода.