Дури и оние возачи кои внимателно го одржуваат автомобилот имаат некои навики со кои несвесно ги оштетуваат нивните „миленичиња“.
Една таква навика е честото возење на кратки дестинации.
Многумина од нас, навикнати на возење и ненавикнати на пешачење, дури и до најблиската продавница, до продавачот на весници или до блиска пекарница одат со автомобил, а тоа може скапо да го чини секој возач затоа што вака кратки и чести возења воопшто не му се пријатни на моторот на возилото.
При возењето на кратки дестинации од околу стотина метри, моторот не ја достигнува работната температура, а тоа може да доведе до сериозни дефекти. Влагата не испарува и се меша со маслото, а нечистотијата се акумулира на EGR вентилот и другите делови на моторот.
Разни последици и дефекти
По некое време, може да се формира слој на капачето за полнење масло. Тогаш маслото сериозно почнува да ги губи својствата за подмачкување и треба итно да се замени.
При возење на кратки дестинации може да се измешаат и маслото и горивото, во тој случај има промени во маслото кои се гледаат дури и со голо око.
За да дознаете дали сè е во ред, можете да ја помирисате прачката за мерење и ако не почувствувате мирис на гориво, сè е во ред.
Ако имате индикатор, препорачливо е да ја следите температурата на моторот додека возите. Од мотор кој достигнува работна температура, кондензацијата испарува, но кај возилата на кратки релации тоа нема да се случи и сè повеќе вода и гориво ќе се акумулираат во картерот со тек на време.
Поради тоа маслото ги губи својствата и не може да ја исполни својата функција, што доведува до оштетување на моторот, па дури и до сериозни проблеми.
Решението, се разбира, е едноставно. Следниот пат кога ќе помислите да „скокнете“ со автомобил до продавница, подобро одлучете да отидете дотаму пеш. Тоа е поздраво за вас, но и за вашиот автомобил. Исто така, се препорачува редовно да го проверувате маслото.
