Славната романска тенисерка Симона Халеп е суспендирана 4 години од светот на тенисот поради користење на недозволена супстанца.
Една од нејдобрите тенисерки во последниве години, која беше и прва тенисерка на светот помеѓу 2017 и 2019 година, денес доби една од најтешките казни во тенисот кои ретко се изрекуваат.
Халеп (31) прекршила две антидопинг правила. Била позитивна на забранетата супстанца роксадустат, а дополнително и е утврдено дека и во нејзиниот спортски биолошки пасош има неправилности.
Роксадустат е супстанца која легитимно се користи за лечење на анемија, но е на списокот на забранети средства на Светската антидопинг агенција бидејќи се смета за средство за допинг на крвта, кое ги зголемува хемоглобинот и производството на црвени крвни зрнца.
Четиригодишната суспензија ја објави независниот суд откако два дена беа проучувани докази на научници. Прегледани биле 8.000 страници докази, а сослушана била и самата Симона Халеп.
Халеп ги освои Вимблдон и Ролан Гарос, акко и уште 22 други ВТА титули. Со години доминираше во тенисот.
