Американскиот актер на почетокот на годината беше уапсен откако дрогиран провали во една куќа. Во таа прилика во јавноста беа објавени полициски фотографии кои ја шокираа јавноста, актерот беше непрепознатлив. Денес тој води сосема поинаков живот.
Шон Вајс е поранешна детска ѕвезда, се прослави со улогата на Џорџ Голдберг во трилогијата „Mighty Ducks“ на Disney.
Неговиот пријател Дру Галагер, кој веќе неколку години му помага, откри дека Шон во меѓувреме е трезен дури 270 дена, а почна и кампања Go Fund Me за да собере пари за да му помогнат и луѓето. Досега се собрани над 16.000 долари.
„За некои работи во животот си е самиот виновен, но кога ќе минете повеќе време со него ќе го разберете. Тој е болен, ментално болен, а сите се откажаа од него“, вели Дру за People.
Една од главните работи кои Шон мораше да ги реши беа неговите заби. Со помош на стоматолог од Лос Анџелес кој бесплатно му ги среди забите, тој успеа да ја врати насмевката на лицето.
Дру на Facebook покажа како Шон изгледа денес, без дрога и со нови заби, целосно непрепознатлив.
„Минатиот Божиќ дојдов кај Шон и тогаш за првпат се погледна во огледало и не можеше да се препознае. Немаше заби. Неговиот дијабетес беше надвор од контрола. Не можеше ниту да седи, ниту да спие. Имаше само 38 килограми. Погледнете како изгледа 10 месеци подоцна“, напиша тој.