Филм & ТВ

Шон Бин порача: Престанете да ме убивате

20. септември 2019 - 16:53 | Б.С.Б.

Веројатно знаете дека Шон Бин е актер кој умира во секој филм или ТВ-серија во која игра. Во интервју за The Sun, 60-годишниот актер вели дека има одбиено многу улоги бидејќи луѓето ќе знаат дека неговиот лик ќе умре.

Тој умре како Нед Старк во „The Game of Thrones“, како Боромир во „The Lord of the Rings“, како Алек во „Golden Eye“, но тоа не е сè. Всушност, има умрено 23 пати на екраните.

Актерот вели дека повеќе нема да прифаќа улоги во кои неговиот лик умира.

„Почнав да одбивам улоги бидејќи ми нудат само проекти во кои ме убиваат на половина од филмот. Реков, нема повеќе. Морам да го прекинам тоа и да почнам да преживувам, инаку сето ова ќе биде предвидливо за публиката“, вели Бин.

Тој додава дека во неколку проекти успеал да се договори, го оставиле жив но инсистирале да биде тешко повреден.

Коментирај