Актерот Шон Пен изјави дека не жали за интервјуто со наркобосот Хоакин Ел Чапо Гозман, во текот на тајната посета на Мексико во октомври која потоа доведе до негово апсење. На прашањето за фотографиите на кој се гледа како со актерката Кејт дел Кастиљо се на аеродром пред да се сретнат со Ел Чапо, актерот вели дека нема што да крие.
Наркобосот е приведен во петок по повеќе од три месеци откако се сретна со Шон Пен во централно Мексико и шест месеци откако побегна од затвор.
Шон Пен не одговорил директно на прашањето дали е во ред што својата приказна му ја дал на Гузман за авторизација, пред да ја објави, и дали ги преземал сите безбедносни мерки за да го заштити својот извор. Тој претходно изјави дека стравувал од можноста властите да го следат неговото патување, но воопшто не бил свесен колку блиску го следеле.
Мексиканскиот весник El Universal објави фотографии на кои се гледаат Пен и Дел Кастиљо како пристигнуваат на аеродромот во октомври, како седат со адвокатите на Ел Чапо, и како се сретнуваат со човекот кој ги носи до мала писта од каде заминуваат во Кампот на наркобосот, длабоко во џунглата.
Според весникот, фотографиите биле дел од досието на мексиканската разузнавачка служба која го следела целиот случај.
Гузман е на чело на наркокаретелот Синалоа кој шверцува огромни количини кокаин, марихуана, метамферамин и хероин во САД. Бегството на Ел Чапо во јули од мексиканскиот затвор, ги посрамоти мексиканските власти и го наруши нивниот однос со американските власти.
Властите соопштија дека успеале да го лоцираат Гузман благодарение на интервјуто што со него го направил американскиот актер Шон Пен. Репортажата и интервјуто беа објавени во американскиот магазин Rolling Stone.
