Бројот на починати во епидемијата со новиот корона вирус Covid-19 драстично се зголемува, особено во Кина каде расте и бројот на нови заразени.
За да се заштитат од вирусот, многу кинески граѓани користат најразлични конвенционални, но и по малку чудни методи. Повеќето од луѓето во Кина се затворени во своите домови, не одат на работа и излегуваат само ако неодложно или неопходно.
Има и такви кои смислија оригинален начин како да пазарат без да мора да излезат од дома.
Една жена од провинцијата Шандонг се досети дека може да прати играчка автомобилче со далечинско управување до најблиската продавница. Чен Тао од Ѓинан го снимила целиот процес како од удобноста на нејзиниот дом си направи шопинг за сѐ што ѝ треба.
Таа тврди дека играчката има домет на далечинско управување од 800 метри, што е сосема доволно за да ја прати во шопинг во маалската продавница. Во кутијата ставена на автомобилчето го ставила својот мобилен телефон за да може сопственикот на продавницата да ѝ се јави и да му каже што ѝ е потребно.
Бројот на заболени од корона вирусот Covid-19 достигна речиси 45.000, а досега починаа 1.300 луѓе.
