Шпанската полиција по два месеци успеа да го идентификува возачот кој дивеел на автопатот меѓу Бургос и Леон.
Во почетокот на ноември, „дивиот возач“ достигнал брзина од 272 км/ч, на автопатот каде дозволената брзина е 120 км/ч.
Снимката од неговото дивеење ја објавил на социјалните мрежи, но станал попопуларен отколку што очекувал: стигнала и до очите на полицијата.
Аналитичари од службата за цивилен сообраќај со превентивни, рутински контроли на социјалните мрежи го нашле неговото видео и почнале истрага.
Возачот се обидел дигитално да го обработи видеото и да го скрие моделот на автомобилот на снимката каде го регистрирал брзинометарот, но не успеал.
Автомобилот бил идентификуван како „Porsche Cayenne“, а сопственикот е 29-годишен маж од Кантабрија.
Возилото му е одземено, а шпанските власти го тргнале видеото од социјалните мрежи.
