Од јануари до јули, Шпанија увезла речиси трипати повеќе нафта од Венецуела отколку во истиот период минатата година, покажаа денеска податоците на Управата за стратешки резерви при Министерството за енергетика и животна средина.
Во јули Шпанија увезла 353.000 тони сурова нафта од Венецуела. Од јануари до јули увезла 1,7 милиони тони, речиси три пати повеќе од истиот период лани.
Увозот во првите седум месеци ја надмина цела 2023 година, кога Венецуела испорача 1,4 милиони тони нафта во Шпанија.
Венецуела, членка на Организацијата на земјите извознички на нафта (ОПЕК), го зголеми извозот на нафта во првата половина од годината во голема мера благодарение на лиценците издадени од САД на партнерите на нејзиниот државен производител PDVSA.
Вашингтон го ослободи извозот на нафта од санкции, а најголемата шпанска нафтена компанија Repsol го зголеми увозот како дел од договорот со PDVSA за отплата на долгот со нафта.
Венецуела произведува нафта од 1914 година и го основа ОПЕК во 1960 година, заедно со Иран, Ирак, Кувајт и Саудиска Арабија, според веб-страницата на групата.
