Жена од Шпанија го лажирала сопственото киднапирање и искористила голем дел од откупот од 6.000 евра што го платил нејзиниот сопруг за да игра бинго.
Неименуваната 47-годишна жена ја извршила оваа измама додека нејзиниот сопруг бил во болница. Мажот бил преплашен и мислел дека сопругата е во смртна опасност. Така, на 4 октомври повикал полиција и го пријавил наводното киднапирање.
Ја нашле како игра бинго
Во меѓувреме, тој добил пораки, кои всушност ги испратила неговата сопруга, во кои пишувало дека е киднапирана и инструкции како да го плати откупот, пишува The Mirror.
Полицијата ангажирала специјална единица која се занимава со киднапирања и која набрзо утврдила дека станува збор за лажна закана, особено благодарение на видеото на кое се гледа како 47-годишната жена ги подигнува парите за откупот, а потоа оди да игра бинго.
Полицајците ја пронашле во казино во Бадалона, во близина на Барселона, и ја уапсиле среде бинго играта.
Жената е пуштена со кауција додека се води кривична истрага.