Нашиот предлог за ваш следен појадок е шпански омлет, вкусно и едноставно јадење кое се подготвува многу брзо.
За подготовка на овој шпански омлет ќе ви бидат потребни само неколку состојки кои се евтини и достапни во вашиот локален маркет.
Состојки:
1 кромид, тенко исечкан
3 компири, тенко исечкани
500 милилитри маслиново масло
6 јајца
прстофат сол
Подготовка:
Загрејте го маслото.
Исечкајте го кромидот на тенки парчиња. Истото направете го и со компирите, пробајте да бидат исечкани на дебелина од околу 3 милиметри.
Ставете го исечканиот зеленчук во тавата со масло и пржете 10-15 минути, додека не се карамелизира. Извадете го зеленчукот и оставете го маслото за подоцна.
Скршете 6 јајца и матете ги. Додадете ги зеленчуците, промешајте, и потоа оставете ги 15-20 минути да отстојат.
Во нелеплива тава пржете ја мешавината на силен оган околу една минута, па потоа на тивок оган продолжете со пржење уште 2-4 минути.
Покријте ја тавата со голема чинија и превртете ја тавата за омлетот да падне во чинијата. Потоа, вратете го омлетот во тавата, овојпат легнат на другата страна, и оставете да се пропржи уште 2-3 минути на тивок оган.
За да проверите дали омлетот е готов, притиснете го со прстот на средината. Ако омлетот полека се врати на површината, значи дека е готов. За да го извадите од тавата, повторно ставете ја чинијата над тавата и превртете ја тавата.
Пријатен апетит!
