Традиционалниот скопски фестивал откри уште еден бенд кој ќе го разубави овогодинешното издание.
Станува збор за бендот Belgrado од Барселона. Формиран во 2010, овој постпанк бенд е составен Венецуелци, Англичанец и полска вокалистка.
„Сонот наш од детство, пееја 'ВИС Рисови' 🙂... добро не баш од детство, но бендов го сакаме на нашиот фестивалски постер уште од самите почетоци на Здраво Млади. Ладен постпанк, поладен од најладното скопско утро, кој супер ќе ве освежи во топлото лето 2021“, пишува организаторот на фестивалот.
Дека се работи за популарен бенд говори и фактот што имаат настапи на секој дел од планетава, од Јапонија, Јужна Америка, Мексико, Азија, до Австралија.
Покрај шпанскиот бенд, потврдени учесници на 11-тото издание на Здраво Млади се и Viagra Boys, Shortparis, Нога Ерез, ИСКРА и Мурман Цуладзе...
Фестивалот ќе се одржи на 26 и 27 август на отворено во паркот на МКЦ, а билетите одамна се во продажба.
