Илјадници фанови денеска ги пречекаа ракометарите на Вардар, новите европски шампиони. Вардар во неделата, во финалето на завршниот турнир во Келн, ја освои титулата со победата над ПСЖ со 24:23.
Ветеранот Арпад Штербик беше прогласен за МВП на завршниот турнир. Еден од најдобрите голмани во историјата на ракометот со Вардар ја освои четвртата титула европски првак.
„Успеавме некако да ги измамиме овие великани ПСЖ и Барселона и да ја освоиме титулата. Драго ми е што ја израдувавме цела Македонија, драго ми е за спонзорот Самсоненко, кој вложува во ракометот. Овој тим е млад, ако се иззeмат двајца-тројца. Не се надевав дека овие млади играчи вака ќе одиграат еден Ф4, делуваа поискусно од олимписките шампиони Карабатиќ, Хансен“, рече Штербик.
