Веднаш по референдумот за Брегзит незадоволните Шкотланѓани најавија организирање на нов референдум за отцепување.
Обединетото Кралство со крајно тесно мнозинство изгласа излегување од Европската Унија на референдмот одржан во 2016 година, нешто кое годинава на 1 јануари стапи во сила.
Меѓутоа, на тој референдум за излегување од ЕУ, популарниот Брегзит, во Шкотска мина без успех каде мнозинството гласаше за останување. Брегзит успеа поради она мнозинско „НЕ“ кое го заокружија Англичаните, кои се и најбројни во Кралството. Тогаш 51,89% од жителите на Обединетото Кралтсво глазаа за излегување, наспроти 48,11% кои беа за останување. Во ниту еден од 32 гласачки дела на Шкотска не победи опцијата за излегување.
Шкотска имаше еден референдум за независност организиран на 18 септември 2014 година кога 44,70% гласаа за независна Шкотска, додека 55,30% изгласаа останување под капата на кралицата на Англија.
Сега, резултатите од сите анкети велат дека ситуацијата е сменета и тоа најмногу благодарение на излегувањето од ЕУ, со кое Шкотланѓаните не се согласуваат.
Шкотската национална партија заедно со премиерката Никола Старџон најавија дека ќе организираат втор референдум доколку освојат мнозинство на претстојните избори закажани за 6 мај. што е многу веројатно со оглен на популарноста на СНП.
Јасно е дека референдумот не би се одржал веднаш, но поддршката за независност расте од дена за ден, а истата и онака не беше мала, само беше под 50%, но сега веќе оди накај мнозинство.
Последните истражувања велат дека 49% од Шкотланѓаните би гласале „ЗА“ независност доколку референдумот се одржи утре, настроти 44% кои се „ПРОТИВ“.
Бројките се сепак речиси изедначени и би одлучиле оние 7% од испитаниците кои се неодлучени и допрва треба да решат што ќе заокружат.