Можеби е некое непишано правило помеѓу девојките, но тие ретко забележуваат некој сѐ додека не си „фати“ девојка. Момците во врска се мошне опуштени бидејќи веќе имаат девојка, но останатите девојчиња можат поинаку да ги сфатат па почнуваат да флертуваат.
Се чини дека ниту една ситуација не е премногу пријатна. Сигурно не е пријатно да гледате како некоја си нашла супер момче, но не е ни убаво да седите и гледате како некое девојче му се подава на вашиот дечко.
Во вакви ситуација навистина треба да се смирите. Вашата реакција кажува многу повеќе од што си мислите. Ако избувнете сте „луда“, ако не реагирате сте „ладна“ и незаинтересирана.
Доколку му верувате на партнерот, дозволете му малку туѓо внимание и насмејте се заедно кога сето тоа ќе заврши. Нема потреба од создавање драма особено ако вашето момче не покажува никаква заинтересираност ниту флертува со неа.
Не дозволувајте било која девојка да ве вовлече во нејзиниот филм. Ако таа смета дека сака да разбранува нечија врска одземете и ја главната улога и терајте си по свое. За тензија се потребни двајца, а без вашето учество - таа останува сама и без вашето момче.
Кога некои девојки не знаат за доста не е лошо и да ги „симнете од облаци“. Ниту една вистинска пријателка не би флертувала со вашето момче па, затоа, и не ви е потребна во вашиот живот.