Сагата за Џејмс Харден продолжува.
„Брадата“ сака да ги напушти Хјустон Рокетс и да замине во тим што е конкурент за титулата.
Се спомнуваат Бруклин Нетс, но сега приказната стана посложена.
Логично, Рокетс не сакаат да го дадат на Харден „за ситно“.
Не би било реално да се даде вториот најдобар играч во историјата на франшизата, по Хаким Олајџувон, за нешто друго освен некоја суперaѕвезда. Затоа го бараат Кајри Ирвинг од Бруклин. Тие бараат млада суперaѕвезда која е веќе докажана во лигата и еден куп пикови во првиот круг.
Многу медиуми се скептични дека на Харден ќе му се исполни желбата да се пресели во Бруклин, токму бидејќи Хјустон ќе бара премногу играчи во потенцијалната размена, а главен адут во тоа им е актуелниот тригодишен договор.
Харден одби да го продолжи договорот со тимот од Тексас и да стане првиот играч во историјата на НБА лигата кој ќе има годишна плата од 50 милиони долари.
Тој влезе во НБА лигата во 2009 година кога беше избран од Оклахома Сити Тандерс, а од 2012 година е дел од Хјустон каде израсна во еден од најдобрите кошаркари на денешницата. Во 2018 година беше прогласен за МВП на лигата, а шестпати беше избиран во најдобрата петорка и последните две сезони е прв стрелец во НБА.
