Познатиот милијардер и иноватор Елон Маск не престанува да изненадува со неговите потези.
Целиот свет будно ги следи неговите објави на Twitter, особено откако се впушти во бизарна онлајн расправија со еден од спасувачите на децата во тајландската пештера и откако најави дека ќе ја приватизира неговата компанија Tesla, поради што се најде под истрага и остана без претседателската фотелја во одборот на компанијата.
Сега преку Twitter соопшти дека наскоро ќе го пушти во продажба текила брендот „теслакила“ и дека веќе поднел барање за патентирање на името.
Никому не му е јасно зошто Маск одлучил да стане и производител на алкохолни пијалаци, а уште помалку зошто решил брендот да го носи името на компанијата Tesla, која пак го има добиено името по научникот Никола Тесла, идолот на Маск.
Маск прв пат ја спомна „теслакила“ во твит што го објави на 1 април кога „соопшти“ дека Tesla банкротирала, а него го нашле во бесознание, опкружен со шишиња од оваа текила.
CNBC објави дека Маск поднел барање за патентот во Јамајка во април, а сега врз основа на тоа барање бара патентирање на брендот во САД.
Секако, се поставува прашањето што би рекол генијот Никола Тесла, познат по тоа дека сакал алкохолни пијалаци, на фактот дека неговото презиме ќе се најде на шише со текила.