По одредено време, дури и на најдобрите бракови им се случува сексот да стане досаден, едноличен или да го снема. Паровите најчесто овој проблем го игнорираат, па со текот на времето тој станува сè поголем и поголем.
Но, за секој проблем постои решение, па и за овој.
Ако сте свесни дека нешто не е во ред, следниот логичен чекор е да се обидете да ги исправите работите. Преземете го проблемот во свои раце и најдете решение. Покажете му на партнерот што ви се допаѓа, пробајте нешто ново и веднаш ќе забележите подобрување.
Наместо вообичаената секс поза, изненадете го партнерот со друга. Затворете му ги очите со марама, направете му нешто што никогаш порано не сте го направиле, а сте сакале.
Секс проблемите можеби не се најпријатната тема за разговор, но ќе се изненадите колку подобро ќе се чувствувате кога искрено ќе поразговарате со партнерот. Признајте му дека имате проблем и потоа обидете се заедно да дојдете до решение. Секоја добра врска се основа на искреност.
Кај нас, секс играчките и понатаму се табу, но никој не мора да знае што правите во спалната соба. Искусните парови велат дека токму овие помагала им го спасиле сексуалниот живот, па затоа не се срамете да навратите во најблискиот секс шоп.
Не е тајна дека мажите не сакаат вибратори, бидејќи ги доживуваат како еден вид закана. Затоа, не чекајте на нив, одберете си играчка која најмногу ви одговара и зачинете го сексуалниот живот.
